ПРЭС-РЭЛІЗ
З кастрычніка 2014г. а 16 гадзіне ў памяшканні музейна-выставачнага комплексу ДУ “Гісторыка-культурны музей-запаведнік “Заслаўе” (вул. Рынкавая,4) мае адбыцца адкрыццё выстаўкі жывапісу Віктара Данілава “Заслаўе і ваколіцы”.
З 1978г. мастак-педагог В. Данілаў навучае малюнку і жывапісу, методыцы выкладання выяўленчага мастацтва на факультэце папчатковай адукацыі Беларускага дзяржаўнага педінстытута ім. М. Танка; ён аўтар шматлікіх артыкулаў і метадычных дапаможнікаў нацыянальных праграм па выяўленчаму мастацтву для школ, спецыяльных і вышэйшых педагагічных устаноў.
Яшчэ пад час навучання (1965-1970гг..) на мастацка-графічным факультэце Віцебскага педагагічнага інстытута стаў прыхільнікам акварэльнага жывапісу. Незабыўныя урокі майстэрства ў акварэлістаў І. Сталярова, Ф. Гумена, графіка Г. Клікушына, жывапісца В. Ральцэвіча прывілі любоў да нацюрморта і пейзажнага жывапісу.
Віктар Данілаў шмат падарожнічае, і як вынік – шматлікія пейзажы, прысвечаныя сонечнаму і казачнаму Самарканду, гордаму і суроваму Пскову, легендарнаму і рамантычнаму Нясвіжу, ціхаму і старажытнаму Заслаўю. Як правіла мастак такія работы аб’ядноўвае ў серыі: “Зямля Пскоўская”(1975), “Легенды пра Самарканд” (1975), “Вясна ў Нясвіжы” (1995), “Пейзажы Заслаўя” (2003), а таксама ваколіцы (радзіма Я. Купалы - Вязынка, Радашковічы – культурны асяродак, дзе ў свой час выкладаў выяўленчае мастацтва – Язэп Драздовіч.
Творы гэтых серый нібыта дапаўняюць адно аднаго, робяць мастацкі вобраз больш абагульненым, а глядач мае магчымасць адчуць цэльнае бачанне жыцця мастаком, праз прызму Прыроды.
Не абмінуў увагаю В. Данілаў і галоўныя архітэктурныя дамінанты старажытнага Заслаўя: Спаса-Праабражэнская царква (былы Кальвінскі збор), Касцёл Найсвяцейшай Панны Марыі, але адлюстроўвае мастак іх, як правіла, не асобна, а ў кантэксце шматлікіх пабудоў старажытнага горада.
Творы мастака знаходзяцца ў фондах музеяў Самарканда, Пскова, Нясвіжа, Заслаўя, Мінска, прыватных калекцыях Аўстрыі, Англіі, Германіі, Польшы, Італіі, ЗША, Расіі, Беларусі.
Выстава працуе з 3 кастрычніка па 3 лістапада ў музейна-выставачным комплексе ГКМЗ “Заслаўе” (Рынкавая,4 тел. +375175441152) кожны дзень, акрамя панядзелка (9.00-17.00)
