ЖывыГукOn-line

ЖывыГукOn-line – прыватная ініцыятыва, накіраваная на стварэньне творчай прасторы для існаваньня і развіцьця рок-музыкі ў рэспубліцы Беларусь. ЖывыГукOn-line не займаецца палітыкай!

ЖГ займаецца арганізацыяй канцэртаў і фэстываляў, падтрымкай і прасоўваньнем найбольш таленавітых рок-гуртоў, навязвае супрацоуніцтва паміж музыкамі, журналістамі, кліпмейкерамі, мастакамі, а таксама прапагандай беларускай рок-музыкі, як часткі сусьветнай культуры.

7 лістапада ў мінскім клубе «Рэактар» адбудзецца чарговы канцэрт у межах музычнага праекту «ЖывыГукON-line». Дата правядзення гэтага канцэрту абрана не выпадкова. 7 лістапада — гэта ня проста «чырвоны дзень календара», але і дзень нараджэння ідэйнага кіраўніка праекта «ЖывыГукON-line» і вядомага беларускага музыкі Піта Паўлава.

Павіншаваць Піта, апроч яго ўласнага гурта GaradZkija, прыйдуць маладыя, а таксама ўжо вядомыя беларускія гурты:

[*]для гурта Clover Club гэта будзе літаральна першы выступ перад вялікай аўдыторыяй. Але ўжо зараз можна паслухаць іх дэбютны сінгл «So Full of Clover»

[*]«Глебстеры», якія ўжо двойчы гралі на канцэртах серыі «ЖывыГукON-line» у гэтым годзе, гатовыя прыцягнуць увагу новых слухачоў

[*]Гурт Мутнаевока зноў парадуе ўсіх сваім фірмовым драйвам і брудна-меладычнымі гітарнымі рыфамі

[*]IQ48, схаваўшыяся гэтым летам на рэпетыцыйнай базе, упершыню сыграюць песні, якія ўвойдуць у трэці паўнафарматны альбом

Канцэрт пачнецца а 21-ай гадзіне і працягнецца да ночы. Квіткі на канцэрт будуць неверагодна таннымі — усяго 9 тысячаў, а для тых, хто святкуе свой дзень нараджэння 7 лістапада, уваход будзе вольным (трэба мець з сабой пашпарт ці пасведчанне аб нараджэнні)! Білеты можна набыць у касах клубу.